Жоқ. Басқа жағдай. Айта алмаймын. Бірақ мұның саған да, маған да еш қатысы жоқ.
Әйел үнсіз тұрып қалды.
— Жарайды, — деді сосын.
— Сен мені түсінесің ғой?
— Жоқ. Бірақ сен айтқан екенсің, демек, солай ету қажет болғаны.
— Маған ренжімейсің бе?
Әйел басын көтерді.
— Құдайым-ау, Равич, — деп күрсінді ол. — Саған қалай ренжуге болады?
Ол көзін тіктей қарады. Равичтің жүрегі езіліп кетті. Жоан ойына не келді — соны айтты, бірақ өзі де байқамай мұның ең осал жеріне соққы жасады. Түн баласы құлағына сыбырлағанына немесе ысынып-суына күбірлегеніне ол онша көңіл бөлмеген, өйткені таң алды
