Ұлттың оянуы. Финляндия қалай дамыған елге айналды?
Григорий Петров

Kitob haqida Taassurotlar203 Iqtiboslar2.2K Oʻqiyapti2.5K Javonlarda

Финляндияның мәдени, рухани тоқырауды жеңіп, мемлекет ретінде жаңа мәдениет сатысына көтерілуінің хикаясы. Бұл кітап өз мемлекетінің даму жолында табандылықпен күресуге бел буған ұлт үшін осы жолда қандай бағыт ұстану керектігін көрсететін бағдаршам іспеттес. Осы тұрғыдан алғанда, бұл кітап күллі түркі жұртының жастары үшін батыс өлкелерінің өткені мен бүгініне жақыннан үңілуге мүмкіндік беретін таптырмас туынды.
Енбек барша оқырман қауымға арналады.

Ғылыми-көпшілік әдебиет Тұлғалық даму Психология Мотивация Өздігінен даму Қазақ тіліндегі кітаптар Тегін

Yosh cheklovlari: 6+

Huquq egasi: Kitap AL

nashriyot: Kitap Al

Qogʻoz sahifalar: 106

Oʻxshash kitoblar

Сүйінбай АронұлыАйтыстар

Абу Хамид ГазалиЖүрек сырлары

Санжар Керімбай, Әділбек НәбиҚаныш және Ғылыми майдан

Шәкәрім ҚұдайбердіұлыҚалқаман-Мамыр

Имам ҒазалиИхия: Өлімнен кейінгі өмір

Дулат ИсабековГауһар тас

Санжар Керімбай, Әділбек НәбиӨзбекәлі және мәдени майдан

Шерхан МұртазаАй мен Айша, 1-том

Бейімбет МайлинШұғаның белгісі

Абай ҚұнанбайұлыӘсемпаз болма әрнеге

Міржақып ДулатовОян, қазақ! Бақытсыз Жамал. (Роман, өлең-жырлар, әңгімелер)

Санжар КерімбайӨМІРГЕ ҒАШЫҚ БОЛУ

Мұхтар ӘуезовҚилы заман

Ф. ЧетинҒайбат (Басқа бәле – тілден)

Мұхтар ӘуезовАбай жолы 2-том

Төкен ОразовҚаныштың жастық шағы

Имам ҒазалиИхия: Аллаға ғашықтық

Абай ҚұнанбайұлыПоэмалары

Сәкен НұрқабекұлыМамандықтың мәні

Григори ПетровФинляндия қалай оянды?

Oʻqib boʻldingizmi? Fikringiz qanday?

👍👎

Taassurotlar203

Гулназия Райзаеваtaassurotlarni ulashish1 oy oldin

👍Tavsiya etaman

«Ұлттың оянуы. Финляндия қалай дамыған елге айналды?» кітабына пікір Бұл кітапты оқығанда менде өте жақсы әсер қалды. Осы кітап арқылы Финляндиямен жақынырақ таныстым десем болады. Бұған дейін Финляндияны тек дамыған ел ретінде білетінмін. Тіпті өзіме олардың киімдері ұнайтын, сапасы өте жақсы деп ойлайтынмын. Бірақ кітапты оқығаннан кейін сол сапаның, дамудың артында қандай еңбек пен тарих тұрғанын түсіндім. Маған әсіресе Снелманның «біздің елде қазба байлықтар болмаса да, бүкіл әлем Финляндияны тануы керек» деген ойы әсер етті. Ол елде өндіріс ашып, халықты білімге, еңбекке және елін ойлауға шақырды. Бір адамның өз халқына деген сенімі мен еңбегі қаншалықты үлкен өзгеріске себеп бола алатынын осы кітаптан түсіндім. Кітапта Финляндияның бұрын Швецияға бағынышты болғаны, кейін Ресей империясының құрамында болғаны және сол кезеңдердегі фин халқының жағдайы баяндалады. Финдер үшін шведтер басқарған кезеңдердің қиын болғанын көреміз. Себебі білімді болмаса да, тек швед болғаны үшін жоғары лауазымдарға ие болған адамдар көп болды. Ал Снелман халықтың сауатты, білімді болғанын және өз елін өз халқы басқарғанын қалады. Оның ойынша, елдің болашағы ең алдымен білімді ұрпаққа байланысты болды. Сондықтан ол халықтың көзін ашуға, білім алуға, еңбек етуге және өз еліне пайда келтіруге үндеді. Менің түсінгенім бойынша, Финляндияның бірден дамып кетпеуінің басты себептерінің бірі — ұзақ уақыт бойы басқа мемлекеттердің ықпалында болуы және халықтың сауатсыздығы еді. Халық өз құқықтарын толық білмеді, елдің болашағына әсер ете алатынын түсінбеді. Бірақ білім арқылы адамдардың көзқарасы өзгерді. Білімге мән берілген сайын халықтың санасы да өсті. Ал халық өзгерсе, мемлекет те өзгереді. Себебі мемлекетті құрайтын да — адамдар. Әр адам өз елін ойлап, қолынан келгенше үлес қосса, бұл елдің дамуына әсер етеді. Автор осы ойды халыққа жеткізе білді деп ойлаймын. Үндістанды Ганди, Түркияны Ататүрік қалай өзгерткен болса, Финляндия үшін де Снелманның орны ерекше болғанын байқадым. Кітаптағы маған ең қатты әсер еткен бөлімдердің бірі — Карокеп туралы бөлім. Себебі ол қылмыс жасаған адам бола тұра, кейін өмірін мүлде өзгертіп, үш баласын шетелге жіберіп, білім алдыртып, елге қызмет етуге бағыттайды. Оның өзі де мүлде басқа адамға айналады. Осы оқиғаны оқығанда мен адам өмірінің кез келген уақытында өзін өзгерте алатынын түсіндім. Адам бұрын қандай болғанына қарамастан, дұрыс жолды таңдап, қоғамға пайдасы тиетін адам бола алады. Осы сияқты адамдар Қазақстанда да көп болса екен деп ойладым. Кітапты оқи отырып, көп нәрсені ұқтым. Ең бастысы — барлығы өзімізден басталатынын түсіндім. Елдің дамуын тек биліктен немесе басқа адамдардан күтіп отыруға болмайды. Әр адам өзінен бастауы керек. Ұлтына жаны ашып, еліне пайдасын тигізуге тырысуы қажет. Әсіресе бала тәрбиесіне тал бесіктен бастап мән беру маңызды деп ойлаймын. Себебі бүгінгі бала — ертеңгі елдің азаматы. Біз ата-бабамыздан қалған тілді, салт-дәстүрді, ұлттық құндылықтарды сақтап, оны келесі ұрпаққа жеткізуіміз керек. Сонымен бірге басқа елдің жақсы тәжірибесін үйренгенімізбен, өз ұлттық болмысымызды жоғалтпауымыз қажет. Мен үшін бұл кітаптың басты құндылығы — еліңді сүюдің сөзбен ғана емес, іспен көрсетілетінін түсіндіруі. Өз еліне қызмет ету үшін міндетті түрде үлкен қызметте отыру шарт емес. Әр адам өз ісін адал атқарып, баласына дұрыс тәрбие беріп, білім алып, еліне пайдасын тигізсе, бұл да мемлекетке қосқан үлесі деп ойлаймын. Бұл кітапты оқи отырып, «елді өзгерту үшін алдымен өзіңді өзгерту керек» деген қорытындыға келдім. Ұлт болып сақталу үшін ең алдымен тілімізді, салт-дәстүрімізді және ұлттық тәрбиемізді мықты ұстанып, оны ұрпаққа аманат етуіміз керек. Сондықтан бұл кітап мені тек Финляндияның тарихымен таныстырып қана қоймай, өз елімнің болашағы туралы да ойландырды.

3 kishiga yoqdi

Fikr bildirish

Жадыра Нысанбаеваtaassurotlarni ulashish1 oy oldin

👍Tavsiya etaman

Осы кітапты оқуға ұсынған комиссия мүшелеріне алғысым шексіз! Басында тақырыбын оқығанда неге айдаладағы Финляндияның тарихын ұсынған екен, өз елімізде ойландыратын мәселелер аз ба деп едім, қате ойлаппын. Ал авторға ерекше бас игім келеді. Тұтастай бір елдің тарихын бір кітапқа, бір тақырыптың ішіне сыйдыруының өзі шеберлік. Кейіпкерлері туралы оқығанда көзіме қайта-қайта жас келіп отырды. Өз ұлты, отаны үшін артқа шегініп қолды бір сілтемей алға қарай, қиын жолға қарай бет алып, мақсаттарына жеткен. Бұның өзі Үлкен Құрметке ие іс! Соңында жас буынның айтқан бір-екі ғана сөзі алдыңғы буындарының жасаған ұлы істерінің жемісі еді. Толғанып қалдым. Шындап махаббатпен кіріссе кез келген тауды қопаруға болатынын ұқтым! Рахмет!

3 kishiga yoqdi1 ta fikr

Fikr bildirish

Азатtaassurotlarni ulashish2 hafta oldin

👍Tavsiya etaman

Автор, бодандықта болған ұлттың, аянышты күйден қуатты елге айналғанын шебер суреттейді. Финляндия, Шведтердің бодандығында 6 ғасыр бойы болып тек 1908 жылы Ресейге қосылу арқылы автономия алады. Сырттай толыққанды бостандық алмағанымен, бұл оқиға Финдердің жеке мемлекет құру үмітін оятады. Саны жағынан өте аз бұл ұлт, басқа елдермен мәдениет, ғылым, экономика арқылы ғана иық тіресе алатынын анық ұғып, жаңаша тың идеяларды қолға алады. Әсіресе, жер-жерді аралап, халықтың көзін ашып, жігерлерін лаулатқан осы елдің зиялы қауымы болатын. Зиялылар арасында, өзінің қайраткерлігі мен жанкештілігімен ерекше көзге түскен Снелман еді. Снелман елдің маңызды деген барлық салаларынан, көзі ашық білімділерді өз жанына топтастырып, халық арасында көптеген ағартушылық бағытта жиындар жасайды. Ауылдың еңбектеген баласынан - еңкейген шалына дейін жинап, дұрыс өмір сүрудің жолдарын үйретеді. Күн-түн демей еткен еңбектері көп ұзамай жеміс беріп, Финляндия экономикасы қуатты, рухы асқақ, мәдениеті көгерген, ғылым-білім жағынан топ жарып, көш бастаған мемлекетке айналып шыға келеді. Бұл кітаптан көптеген жақсы ойлар түйдім. Соның бірі, адамның саны емес сапасы маңыздырақ. Елдің қуаты - аумағымен емес, сол ұлттың сана-сезімі, ар-ожданы, білім деңгейімен өлшенеді. Барлық мемлекеттерді артқа сүйрейтін себеп көбіне ортақ болатынын ұқтым. Әсіресе пара беріп, лайықсыз (мелекеттік) қызметке орналасу біздің елге де зор зардабын тигізуде. “Дамыған елдер”- деп, мәдени тұрғыда артта қалған ұлттарға еліктеп, оларды көшірмелеуден аулақ болыңдар. Әр нәрсені ақыл таразысына салып, ішінен ең пайдалысын алып, ғылымын үйреніңдер” - деген жері қатты әсер қалдырды. Расымен елді, ұлт ретінде сақтап тұратын, оның төл мәдениеті. Ғылым-білім, даму жолы, барлық елге ортақ болғанымен әр елдің өзіне тән мәдениеті мен ділі (тілі,салт-дәстүрі,діні,тарихы,) бар. Автор: Ұлттық құндылықтарын дәріптеп, білім мен ғылым жолына түскен елдің болашағы жарық болатынын, осы кітап арқылы ұқтырғандай… Дүние тұрғанша тұр, елім менің!

1 kishiga yoqdi

Fikr bildirish

Iqtiboslar2230

Гүлнұр Сырманқызыiqtibos olmoqda1 yil oldin

Мырзалар! Қашанға дейін халықпен тығылмақ ойнайсыздар? Әрдайым отансүйгіштік ұлтқа қызмет ету, ұлт махаббаты, мәдениетке қызмет ету турасында сөз қозғайсыздар. Бірақ ұлт үшін, Отан үшін, мәдениеттің өркендеуі үшін не істеп жатырсыздар?

6 kishiga yoqdi

Fikr bildirish

Гүлнұр Сырманқызыiqtibos olmoqda1 yil oldin

Қалай болса солай сөйлеу иттің үргенінен де жаман естіледі. Бұл – рухани мәдениетсіздіктің белгісі!

5 kishiga yoqdi

Fikr bildirish

Жансая А.iqtibos olmoqda1 yil oldin

Әрқайсыңыз, маман ретінде, қызмет орындарыңызда мейлінше жаңа жүйемен жұмыс жасаңыздар, ескі жүйенің сарқыншақтарын тазалап, жаңа әдістерді енгізіп, іске асырыңыздар. Ескі жүйенің ешбір ізі қалмайтын болсын. Халқымыз әрбір маманның өз еліне, туған өлкесіне адал қызмет ететінін сезінетін болсын. Қандай да бір істің шешімін табу үшін көмек сұрай келген адамға сізді шағып алатын жәндікке қарағандай, үрке қарамаңыздар. Қолдары

3 kishiga yoqdi

Fikr bildirish