Kitap Al

«Хайди немесе сиқырлы аңғар» повесі — баланың мейірімі мен табиғаттың шипалы күшін суреттейтін әсерлі шығарма. Шығарманың басты кейіпкері — көңілді де аңқау(ақжарқын), жүрегі таза қыз Хайди. Ол ата-анасынан ерте айырылып, Швейцария Альпісіндегі алыстау тауда тұратын тұйық мінезді атасының қолына келеді.
Алғашында қатал көрінген атасы мен қатаң тау тіршілігі Хайдиге бірден ұнайды, ол тау табиғатын, еркіндікті, ешкі бағатын досы Петерді, таудағы тыныш өмірді шексіз жақсы көріп кетеді. Хайди сол сиқырлы аңғарда жүріп адамға деген мейірімділіктің, қарапайымдылықтың, еңбексүйгіштіктің, табиғатқа жақын болудың қуанышын сезінеді.

Бұл шығармада ХІХ ғасыр соңында Аляскада қолға үйpeтiлгeн қасқырдың тағдыры жайлы баяндалады. Күшік кезінде шешесімен (Кичи деген есімі бар жартылай ит, жартылай қасқырмен) бірге үндістердің қолына түседі. Содан бері оны Ақ азу деп атайтын болады.
Ақ азудың бір-біріне ұқсамайтын иелері болады, ол төрт түрлі өмірді басынан өткереді: жануарлар әлемі — үндістер — Сылқым Смиттің қорқынышты әлемі — махаббат пен ақылдың әдемі әлемі. Қасқыр табиғи күшінің, мықтылығының, бейімделгіштігінің арқасында тірі қалады.
Қасқырдың көзімен адамды, ал адам арқылы қасқырды ашатын керемет туындыны сізде оқыңыз!

«Кішкентай ханзада» — балалар мен ересектер арасындағы шынайы қатынастарды баяндайтын философиялық әңгіме. Әңгіме жазушының өзі ұшқыш ретінде Араб түбегінде апатқа ұшырағаннан кейін, далада кездескен кішкентай баланың (ханзаданың) оқиғасын баяндайды. Ханзада өзінің туған ғаламшарынан, сондай-ақ түрлі ғаламшарларда кездескен ерекше кейіпкерлерден алған өмірлік сабақтары мен тәжірибесін бөліседі.
Кішкентай ханзада әртүрлі әлемдерді аралап жүріп, адамдардың жүрегіндегі шынайы құндылықтарды іздейді. Оның жолында кездесетін патша, есепші, түлкі, гүл т.б. оның болмысын тереңірек түсінуге мүмкіндік береді.
Бұл кітаптың негізгі идеясы — өмірдің қарапайымдылығын, сүйіспеншілікті және достықты бағалау. Сонымен қатар, «Кішкентай ханзада» балалық шақтың таза көзқарасын ересектерге қайта оралту арқылы, олардың өмірдің мәні туралы ойлануына түрткі болады. Кітап оқырманды өз жүрегіне терең үңіліп, әлемді балалардың көзімен көруге шақырады.
Барша оқырман қауымға арналады.

Жетімдіктің ауыр салмағын арқалаған кішкентай қызды тағдыр — қаталдығы қабағынан білінетін тәтесінің қолына табыстайды. Бірақ баланың нәзік жүрегінде жарық ешқашан өшпейді. Ол қандай қиын сәтте де өмірге үмітпен қарап, әрбір құбылыстың шуақты қырын таба біледі. Осы мейірім мен сенім оның жанын ғана емес, айналасындағы адамдардың да тасқа айналған қатты көңілін жібітеді.
Шығармада оқиға желісі бірде әрқилы иірімдерге толы өрбиді. Кейіпкердің жан дүниесі автордың нәзік психологиялық дәлдігімен суреттеліп, әр қимыл іс-әрекеті, сөзі өз салмағын сездіреді. Сол себепті бұл хикая қаншама жылдар өтсе де мәнін жоғалтпай, талай ұрпақтың жүрегінен орын алып келеді, өйткені ол адамға ең бастысы үміт пен мейірімділік екенін көрсетеді.

Люси Мод Монтгомеридің «Жасыл шатырдағы Энн» романы ( Anne of Green Gables, 1908) — Принс-Эдуард аралының әсем табиғаты мен Авонлея ауылындағы қарапайым да мағыналы өмірді нәзік бейнелеген көркем туынды. Жетім қыз Энн Ширли Мэтью мен Марилла Касберттердің шаңырағына келіп, тағдырдың күтпеген сыйындай «Көк шатыр» атанған үйде жаңа өмірге қадам басады.
Энннің қиялына қанат бітірген арманшыл болмысы, қайсар мінезі мен жүрек жылуына толы жан дүниесі оны талай қызықты да тосын оқиғаларға жетелейді. Ол Диана Барримен адал достықтың қадірін танып, Гилберт Блайтпен бәсекелесе жүріп, өз қабілетін шыңдайды, білімге деген шынайы сүйіспеншілігін қалыптастырады.
Роман табиғат көрінісінің әсемдігімен, шынайы кейіпкерлер болмысымен ерекшеленетін, отбасы құндылығы, қамқорлық, жауапкершілік пен үміт секілді мәңгілік адамгершілік ұстанымдарды терең дәріптейді. «Жасыл шатырдағы Энн» — оқырманына рухани ләззат сыйлайтын, мейірім мен ізгіліктің өміршең күшін айқын танытатын өшпес классикалық шығарма.

Роберт Льюис Стивенсонның бұл романы теңіз қарақшылары мен жас жігіт Джим Хокинстің қазынаны іздеудегі шытырман оқиғаларын баяндайды. Джим қауіпті сапарға шығып, зұлым қарақшылармен күресуге мәжбүр болады. Роман достық, ерлік және адалдық туралы маңызды сабақтар ұсынады.

Кітап барша оқырман қауымға арналады!

Бұл кітапшада «Мүлк» сүресінің арабша мәтіні мен оның қазақша оқылуы және қазақша мағынасы берілген. Көпшілік оқырманға арналған.

«Нелло мен Патраш» — бұл әңгіме Нелло есімді жетім бала мен оның адал иті Патраштың достығы туралы баяндайды. Олар кедейлік пен өмірдің қиындықтарына қарамастан, бірге жүріп, өзара қолдау көрсетеді. Бұл жүрек тебірентерлік шығарма достық, адалдық және күреске толы өмір туралы сыр шертеді.
Кітап барша оқырман қауымға арналады!

Әйелдің нағыз өр мінезі — кедейлік қысып, таршылық таяп тұрса да, еркіндігін ешкімге таптатпайтын тәкаппарлығы. Мұндай өр мінезбен тең келер не бар? Ал әйелдің «соққыға соққымен» жауап беруді өмірлік дағдыға айналдырған мінезінің кейде ер адамның сезімінің шынайылығына сенуге де, оны ойламай қоюға да шамасы жетпей қалады. Пендешіліктің күні бұрын қалыптасқан күдігі өзінен бұрын сөйлейді емес пе?
Міне, осы ішкі айқас — Джейн Остиннің «Тәкаппарлық пен жаңылыс» романының өзегі. Бұл — мінез бен сезім, қоғам көзқарасы мен жеке жүрек арпалысқан әлем. Кітаптың құдіреті — махаббатты әдемі аңыз қылып емес, психологиясы бар, беделі бар, жарасы бар тірі шындық қылып көрсетуінде. Сондықтан да бұл роман — бүгінгі әдебиеттің үлкен бір тамыры. Ол болмаса, бәлкім, «психологиялық» романның да, «феминистік» ойлаудың да, жалпы «элиталық» прозаның да өз үні дәл осылай қалыптаспас еді: Д.Остин әйелдің ішкі еркіндігін, намыстың нәзік те қуатты табиғатын, алалаушылықтың көзге көрінбес тұзағын бір шығармаға сыйғыза алды.
Көпшілік оқырман қауымға арналады.

Халық өзінің қоғамдық дамуының әрбір сатысына сай, өзінің сүйікті кейіпкерін қолдан жасаған. Алдар көсе соның бірі. Ол әділетсіздікке қарсы күреседі.