Kitap Al

Бұл кітапта адамдар арасындағы рухани көпір, өмірдің ұйытқысы, адамдарды жақындастыратын, достықты нығайтатын, мызғымас бірлік орнататын, тіршіліктің сәні мен мәнін келтіретін, жарық дүниеде барша кедергі мен кесапатты жеңетін ұлық сезім — сүйіспеншілік жайлы баяндалады. Отанды, отбасыны, ата-ананы, табиғатты сүю, сүйіспеншіліктің бес тілі секілді тақырыптар сөз болады.

Кітапшада қазақ халқының ұлттық дәстүрі — бата беруге қатысты жан-жақты мәлімет беріледі. Батаның ел арасына тараған нұсқалары, дұға үлгілері, алғыс түрлері, ата-баба өсиеттері жинақталды. Еңбек барша оқырман қауымға арналады.

Бұл кітап Ұлы Дала батырлары жайлы. Батырлар жырындағы Алпамыс, Қобыланды, Ер Тарғын, Қамбар сияқты жиырма батырдың ерліктері бөлек-бөлек суреттеледі. Сондай-ақ тарихи жырлардағы Бөгенбай, Қабанбай, Райымбек, Жанқожа секілді он батырдың оқиғалары осы кітапта баяндалады. Отыз батырды қамтитын кітап жас ұрпақтың ұлтжандылық, отансүйгіштік, батылдық, ержүректік қасиетін дамытады. Кітаптың тілі оқуға жеңіл, оқиғалары тартымды. Көп жылдардан бізге атадан мирас болып келген жырлардағы батырлардың оқиғалары, ерліктері қысқаша əңгімеленіп тұңғыш рет шығып отыр.

Кітапша мұсылмандарды қазіргі таңда көп мазалайтын ең маңызды мәселенің бірі — адал асқа арналған. Еңбекте адал асты тұтынудың маңызы және оның адам ағзасы мен өмір салтына әсері баяндалып, шариғатта тыйым салынған азық-түліктер мен оларға тыйым салыну хикметі сөз болады. Еңбек барша оқырман қауымға арналады.

Кейде адам өзіне беймәлім болмыспен бір сәт тілдесіп, рухани дүниесін азықтандырғанды жақсы көреді. Ал егер ондай адам сапарда жолықса ше? Оның жан дүниесі дәл сені түсіне алатындай көркем болса ше? Онда тағдыр сапарласты дәл таңдап қосты деген осы болар. Ондай сәттілік мыңнан бірге ғана нәсіп. Дәл осы екі кейіпкер сондай «өмір бойы бір-бірін іздегендердің» жемісі. Бұл кітап жаны жанымен, ойы ойымен, болмысы болмысымен, рухы рухымен тұстас қос тағдырдың өміріндегі ең бояулы сәттерді суреттейді..

Араб, түрік тіліндегі кітаптардан тәржімалап-құрастырған Құдайберді Бағашардың бұл еңбегі пайғамбарлар мен сахабалар, тақуа, пірәдар әулиелердің өмірінен алынған мазмұнды оқиғалар мен ғибратты хикаяттарға арналған. Рухани тәлім-тәрбиелік, тағылымдық астары мол әңгімелер оқырманды бей-жай қалдырмайды деген сенімдеміз. Кітап тізбегі алдағы уақытта жалғасын таппақ.

Кітапта қазақ халқының аса көрнекті ағартушысы, қоғам қайраткері Ахмет Байтұрсыновтың орыс халқының ақыны И.А. Крыловтың мысалдары негізінде аударған өлеңдері берілген. Ақынның «Қырық мысал» атты жинағы 1909 жылы Санкт-Петербургте жарық көрді. Бұл кітабы арқылы қалың ұйқыда жатқан қараңғы елге жар салып, олардың ой-санасын оятуға бар жігер-қайратын, білімін жұмсайды. Ақын әрбір аудармасының соңына өзінің негізгі ойын, айтайын деген түйінді мәселесін халқымыздың сол кездегі тұрмыс-тіршілігіне,
мінезіне, психологиясына сәйкес қосып отырған. А.Байтұрсынұлының «Маса» өлеңдер жинағы 1911 жылы Орынборда басылған. Мұндағы өлеңдерінің дені азаттықты аңсаған, күрес идеясына толы. «Қазақ қалпы», «Қазақ салты», «Досыма хат», «Жиғантерген», «Анама хат», «Тілек батам», «Жауға түскен жан сөзі», «Адамдықтың диқаншысы» сияқты шығармалары ел қамы үшін арпалысқан ақынның жан айқайы десек те болады. Ақынның осы өлеңдерінің көпшілігі 1905–1907 жылдардағы отарлық саясатқа наразылық танытқан Алаш қозғалысының алғашқы белгілерінен хабардар етеді.
Ахмет бабамыздың мұрасымен сусындағысы келетін көкірек көзі ояу барша оқырманға арналады.

Қолдарыңыздағы кітапшада сауда-саттықта жүрген адамдарға аят-хадиске негізделген кеңестер берілді. Бизнесті дамытатын, адал табысты көбейтетін, саудада опық жегізбейтін, бұ дүниеде де, ақиретте де мол табысқа жеткізетін ақыл-кеңестердің берері мол. Барша оқырман қауымға арналады.

«Қыз — өріс, ұл — қоныс» деп білгендіктен қазақ халқы өрісін кеңейтер қыз баланың тәлім-тәрбиесіне ерекше көңіл бөлген. Себебі ол ертеңгі күні бір отбасынын ғана емес, бір рулы елдің, қала берді, бүтін бір ұлттың ұлт болып қалытасуна әсер ететін ана болатыны даусыз. Демек, бүгінгі қыз баланың қолында бүкіл бір ұлттың тағдыры мен болашағы тұр. Біз ибалы да инабатты, талім-тәбиелі қыз өсіру арқылы қазақтың ұрпағын тәрбиелейміз. «Қызга қырық үйден тыйым» деген сөз қыз баланың ақылды да инабатты, өнерлі де өнегели болып толысуына ата-анамен бірге ағайын-туған, аул-аймағы да жауапты екенін білдіреді. Қольңыздағы кітапта қыз баланың білуі тиіс қырық әдеп баяндалған.

Кітап тұлғалық дамуға бейжай қарамайтын барша оқырманға, әсіресе, бойжеткен аруларымызға арналады

Араб, түрік тіліндегі кітаптардан тәржімалап-құрастырған Құдайберді Бағашардың бұл еңбегі пайғамбарлар мен сахабалар, тақуа, пірәдар әулиелердің өмірінен алынған мазмұнды оқиғалар мен ғибратты хикаяттарға арналған. Рухани тәлім-тәрбиелік, тағылымдық астары мол әңгімелер оқырманды бей-жай қалдырмайды деген сенімдеміз. Кітап тізбегі алдағы уақытта жалғасын таппақ.

Ер адамдар секілді әйел адамның да қоғамдағы мәртебесі мен қадір-қасиеті өте жоғары. Бұған қарт тарих куә. Тарихтың қай парағын ашсаңыз да, саналы ғұмырын адамзаттың игілігіне пида еткен нәзік жанды тұлғалардың бейнесін көреміз. Қолыңыздағы еңбекте отбасымен қатар қоғамдағы әйелге тән міндетін мінсіз орындаған сахаба аналардың өмірі жайлы тарихи деректер келтіріледі. Бақытты ғасыр әйелдерінің руханияты мен ғажап әлемімен танысу, сол әлемнің рухани тіршілігінен сусындау тұрғысынан бұл еңбек өте тың дүние деуге болады.

Барша әйел қауымына үлгі болған сахаба аналардың өнегелі өмірімен жақын танысу арқылы дертіңізге дауа, көңіліңізге медет, өміріңізге серпін беретін алапат күш алатыныңызға күмәніңіз болмасын. Сондай-ақ бұл еңбек қыз баланың бойына ибалық пен инабатты, ізеттілікті қалыптастыруда таптырмас еңбек.

Кітап барша оқырман қауымға арналады.

«Қамар сұлу» романы өмірде болған оқиғалар негізінде жазылған. Автор шығарма фабуласын Алтай елінде болған кездерінде ел аузынан алған.
С. Торайғыров романында қазақ қоғамы ілгері дамуына кесел болып отырған кемшіліктердің ірісі ретінде тамақ үшін бәріне көніп, сұмдыққа көз жұмып отырған надан, көнбіс көпшілікті көрсеткен. Сондай-ақ жазушы әйелдер тағдырын — адамдық правосын ескермеген қоғамдығы түрлі әлеуметтік күштердің осы проблемаға қарым-қатынасын да бейнелеп көрсеткен. Түйінді мәселелерді болашақ өркениет проблемаларымен көтереді. ХХ ғасыр басындағы қазақ қоғамы қайшылықтарын тереңдей талдап, жан-жақты көркем бейнелеген.
Көпшілік оқырман қауымға арналады.

Бұл кітапта автор есте сақтаудың түрлі тәсілдерін үйретеді. Әр тәсілді пысықтайтын жаттығу бар. Сан, сөз, мәтін, телефон нөмір, пароль жаттауды және ұмытпай есте сақтаудың әдістерін айтады. Оқыған кітапты ұмытпау, ойша есеп шығару, байқампаздықты арттыру, шет тілін үйренудің оңай жолын бөліседі. Адам атын, түрін жаттау, интервалды қайталау, өлең жаттау және мнемотехника жайлы мәлімет бар. Миды шынықтыратын жаттығулар, қуаттандыратын өнімдер туралы ақпарат берілген.
Кітап кез келген жастағы оқырманға арналады.

Кітап мұғалім мен оқушылардың арасындағы сұрақ-жауап түрінде құрылып, оқушылардың тілімен қойылған қоғамдағы өзекті сұрақтарға мұғалімнің тілімен логикаға сүйене отырып жауап берілген. «Дін деген не?», «Адам неден жаралған?», «Өлімнен кейін өмір бар ма?», «Исламда неліктен соғысуға рұқсат берген?» және басқа да осы секілді өмірлік маңызы бар сауалдарға жауап берумен қатар Ислам дініндегі діни парыздардың түпкі мәні мен оның осы дүниемізге тигізер пайдасы түсіндіріледі. Мақсат — көңілдегі күдікті кетіріп, иманды күшейтуге сәл де болса ықпал ету. Кітаптағы оқиғалар мен кейіпкерлер ойдан алынған.

Ата-анаға нұсқаулық ретінде ұсынылып отырған осы кітапта балаларда кездесуі мүмкін мінез-құлықтық, физиологиялық, психикалық проблемалардың шығу төркіні, туындау себептері және оларды емдеу, тәрбиелеу және жақсарту жолдары түсіндірілді.

Кітапта қазақ халқының аса көрнекті ағартушысы, қоғам қайраткері Ыбырай Алтынсариннің өлеңдері, әңгімелері, аудармалары, ертегілері және ауыз әдебиетінен іріктеп алған мақал-мәтелдері берілген.
Ыбырай мұрасымен сусындағысы келетін көкірек көзі ояу барша оқырманға арналады.

Федор Достоевский өзінің «Бейшаралар» романында кедей, бақытсыз, бейбақ жұрттың жай-күйін, ішкі сезімін суреттейді. Шығарма хат алмасу стилінде жазылған. Кейіпкерлер хат арқылы бейшара жұрттың жағдайын талқылап, оның себебін анықтауға талпынады.
Бұл кітап — автордың жарық көрген алғашқы туындысы. Әлем әдебиетіне жария салған шығармасы да осы. Мән мен мазмұнға толы туынды сізге де ұнар деп сенеміз.
Кітап барша оқырман қауымға арналған.

Өмірде шын болған оқиғалардың негізінде жазылған бұл хикаят окырманға қызықты. ХХ ғасырдың 90-жылдарындағы тағдырдың жазуымен Якутиядан Өзбекстанға келген бас кейіпкер Майя мен оның екі ұлының бақыт үшін күресі, өмір сүру үшін ұмтылысы жігеріңді жаниды. Бүгінде Якутиядағы ең белді, беделді адамдардың қа— тарындағы кітаптың екі кейіпкері қиын кезеңдерден өте біліп, ерте есейіп, Орта Азиядан өз еліне жету үшін қайрат қылған. Өмірдің ыстық шөлінде, жырақта жалғыз қал-ған панасыз ана — Майя екі ұлына ие бола ала ма, тіршілік үшін күресте күш-қуаты жете ме, еліне аман-есен жете ала ма? Бұл сұрақтарға кітапты оқыған жан жауап табады. Бұл кітап — бауырлас Саха Республикасында (Якутия) ең көп оқылған кітаптың бірі. Кітапта Қазақстан туралы да жазылған.

Адамды бір сілкіп, рухани әлемі оятатын 30 күнді қалай өткізу керектігінен мол мәлімет беретін кітапша. Барынша пайдалы мағлұмат беріп, рухани шыңға көтерілуге мүмкіндік береді.

Көрнекті балалар жазушысы Бердібек Соқпақбаевтың бұл кітабына «Менің атым — Қожа» атты оқырман қауым арасына кең тараған повесі еніп отыр. Онда ауыл өмірі, ауыл балаларының мінез-құлық, арман-мақсаты шынайы да шырайлы бейнеленген. Кітап барша оқырманға арналады.