Bolalik Kunlarimda

Ushlagan narsasi tillaga aylanishini istagan O‘ktamning tilagi bir zumda amalga oshadi. Avvaliga bundan juda xursand bo‘lgan yigit birozdan so‘ng xato qilganini tushunadi. Ertak qanday yakun topadi? Bu haqda bilmoqchi bo‘lsangiz, albatta “Non va tilla” ertagini tinglashni tavsiya qilamiz.

Yomonlik hech qachon jazosiz qolmaydi. Yaxshilik evaziga esa albatta yaхshilik qaytadi. Halqda bir maqol bor: "Yaxshilik qil, daryoga sol. Baliq biladi. Baliq bilmasa, Holiq biladi" degan. Ushbu ertakda buning qanday bo‘lishi juda chiroili hikoya qilingan.

Ertagimizning qahramoni oddiy bola, ammo topqirligi bois yarim davlatga ega chiqadi! “Qanday qilib?” degan savolga “Kenja o‘g‘il” ertagini tinglab javob olasiz.

Qadim zamonlarda Sharqda ham, G’arbda ham yigitlar qilich-yarog’siz yurmas, birovlarning zulm-zo’ravonligini yoki haqoratini jazosiz qoldirmas, shuning uchun mard yigitlar bir-birini xafa qiladigan, haqoratomuz gaplarni aytmas edilar. Aka-ukalar esa bir-birlariga juda mehribon va oqibatli bo’lganlar. Bu ertak qahramonlari ham ana shunday, mard, jasur, to’g’riso’z va halol yigitlar. Eng muhimi, ular otalarini e’zozlab, nasihatlariga a’lo darajada amal qiladilar. Bu fazilatlari tufayli ular ko’p sinovlarni birgalikda yengib o’tishga muvaffaq bo’ladilar.

Aziz bolajonlar, siz qorong’ulikdan qo’rqasizmi? Qo’rqmaslik uchun nima qilish kerakligini bilasizmi? Dovyurak bo’lish uchun odam o’ziga ishonishi kerak. O’tinchi yigit bilan sher ertagini eshitsangiz, o’zingiz buni tushunib olasiz. Diqqat bilan tinglang va siz ham jasur, botir, oqil bola bo’ling.

Siz zo’rmi yoki ukangiz yо akangiz zo’rmi? O’zi zo’r qanday bo’lishini bilasizmi? Bu ertakda aslida kim zo’r ekanligi xaqida hikoya qilinadi.

Aqlli va tadbirli dehqon hosilning yarmini shaytonga berishga kelishadi. Ammo, har safar shaytonning ulushdan ko’ngli to’lmaydi. Keyin esa… Yaxshisi “Shayton bilan dehqon” ertagini tinglab, voqealar rivoji bilan yaqindan tanishing.

Birovga ozor berish, dilini og’ritish inson uchun eng nomunosib ish. Xatto, hayvonlar ham zulmdan ozor chekadilar. Ammo, ozodlik har qanday zulmga qarshi eng yaxshi chora! Bu ertak odamlardan jabr ko’rgan uchovlon haqida. Botir echki va uning do’stlari boshidan kechirgan sarguzashtlar esa sizni aslo befarq qoldirmaydi.

Zag’izg’on, tulki va bedana. Bu uchchalasini nima bog’lab turishi mumkin? Bilishni istasangiz, hiylagar bedana haqidagi ertakni diqqat bilan tinglang!

Ertaklarning sehrli olamida hamma narsa bo‘lishi mumkin. Hatto, chivinday mitti jonivor ham ko’p narsalarga sabab bo’la oladi. Ammo, o’zi mitti bo’lsa ham, uning yuragida kattakon ichiqoralik bo’lsa-chi?! U yog'ini ertakni tinglab, xulosa qiling!

Yordamga muhtoj insonlarga hamisha ko'mak berish kerak. Bu yaxshilik bir kun kelib ikki hissa bo'lib qaytishi mumkin. “Tadbirli ayol” ertagida oqila ayol ochko'z qozi tomonidan aldangan cholga yordam qo'lini cho'zadi. Ertakni tinglab, aslida nima bo'lganini bilib olishingiz mumkin.

Har qanday vaziyatda boshqalarning mehnatini hurmat qilish lozim. Agar o'zing ish boshlagan bo'lsang, uni shunday bajarginki, toki boshqalar sening ishingdan hamisha qoniqish hosil qilsin. “Ayrilmas do'stlar” audioertagimizda shu xususda so'z boradi.

Do’stining ko’rgan tushini sotib olib, baxtini topgan Qo’ldoshning sarguzashtlari juda qiziqarli va maroqli. “Мusofirbek” ertagini tinglasangiz, siz ham ajoyib tushlarni ko’ra boshlaysiz. Muhimi, bu ertak sabab orzular mamlakatiga xayolan sayr qilasiz. Bunga tayyor bo’lsangiz, albatta audioertagimizni tinglang!

Do'st bo'lish oson emas. Uning yozilmagan qonunlari bor. Ammo, hamma ham buni tushunmaydi, natijada tushunmovchiliklar kelib chiqadi. "Tulki bilan Turna" ertagida shu haqda so'z boradi.

Ba'zida katta vazifani uddalash uchun hammaning ishtiroki zarur bo'ladi. Kimdir qatnashmasa — tamom, ish yurishmaydi. Chunki birgalikda ishlash, do'stlashish va o'ynash qiziqroq. Sababini bilishni hoxlaysizmi? Unda “Sholg’om” audioertagini eshiting!

To’rga ilingan baliqqa rahmi kelib, uni qo’yib yuborgan Sohibjon bu ishi uchun ajoyib tarzda mukofotlanadi. “Sohibjon bilan Ahmadjon” ertagida baliq bolaning inson qiyofasida xaloskoriga ko’rsatgan yordami qiziqarli qilib tasvirlangan. Ularning sarguzashtlari qanday kechganini bilishni istasangiz, bu ertakni tinglashni tavsiya qilamiz.

Agar siz kimgadir mas`ul bo‘lsangiz, albatta uning holatidan ogoh bo‘ling. Aslo yalqovlik, dangasalikni do‘st tutmang. Chunki, dangasalik sizni eng yaxshi narsalardan, eng muhimi, yaqinlaringiz mehridan bebahra qoldiradi. G‘ayrat va tadbir bilan ish ko‘rgan kishi esa ushbu ertakdagidek juda ko‘p ezguliklarni topadi.

Oliyjanoblik va rahmdillik yaxshi fazilatlar. Shu sabab galdagi ertak qahramoni ko'p qiyinchiliklarni osongina yengib o'tadi. Bu qanday bo'lganini bilmoqchi bo'lsangiz, “Mehrigiyo” deb nomlangan o'zbek xalq ertagiga diqqat qiling.

Xorazm mamlakatida bir podshoh o’tgan ekan. Uning bitta-yu bitta Asad ismli o’g‘li bo’lgan ekan. Shahzoda Asadga sipohigarchilikni o’rgatish, tarbiya qilish podshohning lashkarboshisi Behzodxonga topshirilgan ekan… Aziz tinglovchi, Shahzoda Asadning boshidan kechirganlari sizni aslo befarq qoldirmaydi. Bu ertakni tinglasangiz, shahzodaning g’aroyib sarguzashtlarini bilib olasiz. Ishoning, tinglaganingizga aslo achinmaysiz!

Bir bor ekan, bir yo’q ekan, juda qadim zamonda, juda uzoq bir tomonda bir podshoh bo’lgan ekan. O’sha podshohning qirq nafar o’g’li bor ekan. "Shunaqasi ham bo’larkanmi,"— deyapsizmi? Ertakni tinglasangiz bu qirq o’g’ilning qanday qilib qirqta kuyovga aylangani, ularning eng kichik ukalari qanday sinovlarni boshidan kechirganlari haqida ham bilib olasiz. Albatta tinglang! Ertaklarda aytilganidek: Tinglaganlar darmonda, tinglamaganlar armonda!