Кішкентай ханзада
Кішкентай ханзада әртүрлі әлемдерді аралап жүріп, адамдардың жүрегіндегі шынайы құндылықтарды іздейді. Оның жолында кездесетін патша, есепші, түлкі, гүл т.б. оның болмысын тереңірек түсінуге мүмкіндік береді.
Бұл кітаптың негізгі идеясы — өмірдің қарапайымдылығын, сүйіспеншілікті және достықты бағалау. Сонымен қатар, «Кішкентай ханзада» балалық шақтың таза көзқарасын ересектерге қайта оралту арқылы, олардың өмірдің мәні туралы ойлануына түрткі болады. Кітап оқырманды өз жүрегіне терең үңіліп, әлемді балалардың көзімен көруге шақырады.
Барша оқырман қауымға арналады.
Taassurotlar 47
Антуан де Сент-Экзюперидің «Кішкентай ханзада» шығармасы — адамға терең ой салатын өте әсерлі де мағыналы ертегі-повесть. Маған бұл кітаптағы Ханзада мен Түлкінің достығы ерекше ұнады. Бұл шығарма арқылы мен достыққа адал болуды, жақындарымызға қамқорлық танытуды және кез келген нәрсеге жүрекпен қарауды үйрендім. Автордың «Өзің қолға үйреткен жандар үшін әрқашан жауаптысың» деген сөзі есімде мәңгі сақталады. Кітапты кез келген жастағы адамға оқуға кеңес беремін.Шығарманың ең негізгі идеясы — адамгершілік, достық және жауапкершілік. Түлкінің Ханзадаға айтқан аксиомасы бүкіл кітаптың түйіні сияқты: біз өзіміз баурап алған, бауыр басып қалған жандар үшін жауаптымыз. Бұл шығарма тек балаларға емес, үлкендерге де арналған. Себебі ол бізге балалық шақтың тазалығын, айналадағы сұлулықты ақшамен немесе абыроймен өлшеуге болмайтынын еске салады.
Кейде осындай оқиғаларды оқу қызық болып кетеді бұл оқиғаны кітап оқымайтын адамның өзі оқып кетсе керек!