Оған қоса, мал тілейсіңдер, неге керек қылайын деп тілейсіңдер? Әуелі, Құдайдан тілеймісің? Тілейсің. Құдай берді, бергенін алмайсың. Құдай тағала саған еңбек қылып мал табарлық қуат берді. Ол қуатты адал кәсіп қыларлық орынға жұмсайсың ба? Жұмсамайсың. Ол қуатты орнын тауып сарып қыларды білерлік ғылым берді, оны оқымайсың. Ол ғылымды оқыса, ұғарлық ақыл берді, қайда жібергеніңді кім біледі?.. Ерінбей еңбек қылса, түңілмей іздесе, орнын тауып істесе, кім бай болмайды? Оның саған керегі жоқ. Сенікі – біреуден қорқытып алсаң, біреуден жалынып алсаң, біреуден алдап алсаң болғаны, іздегенің – сол. Бұл – Құдайдан тілеген емес. Бұл – абыройын, арын сатып, адам жаулағандық, тіленшілік. Хош, сүйтіп жүріп-ақ мал таптың, байыдың. Сол малды сарып қылып, ғылым табу керек.
9 kishiga yoqdi

Kirish yoki roʻyxatdan oʻtish sharh qoldirish uchun

Ansar Bekbolat

Ansar Bekbolat

2 hafta oldin

Абай жолы» — әрбір қазақ азаматы өмірінде кемінде бір рет оқуы тиіс туынды. Роман адамды теңдікке, адамгершілікке, білім мен өнерге ұмтылуға баулиды. Ол халқымыздың өткенін ұғып, болашағын бағамдауға мүмкіндік беретін, әлемдік әдебиет төрінен ойып тұрып орын алатын ұлы шығарма.