Тыва чаңчыл ёзугаар улуг назылыг азы хүндүткелдиг кижи өгге кирип келирге, аңаа тускай олбук уштуп салыр. Балдыр кошкак кижилерге чымчадыр эттеп каан хой, өшкү, молдурга болгаш аң кежи салыр. Бай база улуг назылыг улус олбук кырынга ужазын дегзи олурупкаш, ийи чодазын олуй-солуй баскактанып олурар. Чүвени шымбай билир апарган эр, кыс кижилер өгге сөгедектей олурар. Эр кижи оң талакы будунуң чодазын ширтек кырынче чыпшыр баскаш, солагай талакы идииниң улдуңун черже дээстир олуруп алыр. А кыс улус сөгедектей олургаш, тонунуң эдээн майыынга чедир буттары көзүлбес кылдыр сула бадырыптар.
Хамның чаяаны. Книга 1 на тувинском языке
·
Зоя Донгак
