Талайлар әлемді идеялар билейді деп есептейді… Идеялар қашан да көп болған. Алайда әлемді адамдардан шыққан идеялар емес, құдіретті ұлы Құдай Жаратушыдан шыққан идеялар ғана билейді. Жаратушының идеяларымен жүретін халықтар, заманалар толқынында, Құдайдың сүйген құлдарына айналып, көктің рахымына бөленіп, жасампаздық мұраттар төңірегіне топтасады. Соның арқасында тәндері мен рухтары он есе күшейіп, кешегі өзара айтыс-тартыстан қолдары босамай, ішкі алауыздық батпағына батып жататын ру-тайпалардың арасынан шығандап шығып, көш бастайды.