Кейбір күнәлар ақыл тәубесін қажет етеді. Мысалы, бір-бірі туралы жағымсыз нәрселер айтқан адамдарды тыңдағаныңызды ойлаңыз. Естіген жағымсыз әңгімеден әсерленіп, өсекке себеп болған адамның сыртынан жаман ойға берілдіңіз делік. Сол сәтте жасаған ісіңіздің күнә екенін сезініп, шын жүректен «астағфирулла» дедіңіз. Сіздіңше, осымен бәрі бітті деп ойлауыңыз мүмкін. Ал шын мәнінде жабулы қазан жабулы күйінде қалып, еш нәрсе өзгерген жоқ. Бар болғаны «астағфирулла» деп айту арқылы естіген әңгімеңізді санаңыздың түкпіріне тығып тастадыңыз. Біле білсеңіз, қандай да бір қателіктің әсері тек жүрекпен және сөзбен жасалған тәубе арқылы жоқ болып кетпейді. Қалби тәубемен қоса, іс-әрекеттік (фиғли) тәубе де бірге жүруі шарт. Сондықтан әуелі өсек айтып отырған адамды тоқтату керек. Бұл қадам жасалмай, соңына дейін тыңдаған болсаңыз, естігеніңізді жан-жақты зерделеп ақиқатына көз жеткізіңіз. Яғни, естіген мәліметіңіздің нақты дұрыс-бұрыстығына көз жеткізбей тұрып, біреу айтты екен деп өзгелер туралы жаман ойға берілмеу керек. Бұлай болмаған жағдайда, мұның соңы өзге де күнәларға ұласып кетуі бек мүмкін.
Kirish yoki roʻyxatdan oʻtish sharh qoldirish uchun