құтылудың жолын сұрап, бір данышпанға барады. Данышпан кісі оған: «Сен мына бір жас шыбықты жұлшы», – дейді. Жігіт оны оп-оңай жұлып алады. Енді одан жуандауын жұлуды айтады. Ол досын көмекке шақырады. Ал одан да жуан ағашты көрсеткенде, көп адам жиналып тартса да, оны жұла алмайды. Сонда данышпан: «Көрдің бе?! Жаман әдеттен бастапқы кезде құтылу оңай. Ол кезде оған өзіңнің шамаң жетеді. Кейіннен достарыңды көмекке шақырасың. Ал жаман әдет бойға әбден сіңгенде, қанша тырыссаң да, одан құтыла алмайсың», – деген екен.

Елім деген ерлер
Бір халықтың ел болып қалыптасуы ұзақ уақытты алады. Ал оның ұзақ жылдар бойы өзінің елдігін сақтап тұруы Отаны үшін отқа түсуге даяр нағыз азаматтарға байланысты.

Қазақ елінің бүгінгі күнге жетуіне бүкіл қайрат-жігерімен еңбек еткен ерлер аз болған жоқ. Олар: хандар, батырлар, билер және аты беймәлім небір халық қаһармандары. Жәнібек хан, Керей хан, Есім хан, Қасым хан, Хақназар хан, Тәуке хан, Абылай хан – бәрі де қазақтың ел болып қалыптасуына бүкіл күш-жігерін аямаған атақты елбасылары. Мыналар: Хақназар хан, Тәуекел хан, Кенесары хан – Отаны үшін шайқаста қаза тапты.

Ел басқарған хандардың жанында оларға ақыл-кеңес беріп отырған билер де аз болған жоқ. Төле би, Әйтеке би, Қазыбек би – үшеуі Тәуке ханның тұсында елдің ынтымағын сақтау үшін үлкен еңбек етті. Олар Тәуке ханның «Жеті жарғысы