Емдейтін уақыттан өтіпті. Апырым-ай! Чахотка болғанда да біртүрлі қуаттысы екен, болса бір-екі айлық қана өмірі болар. Шатасатыны — қорқып, жүрегі ұшқандық, әлсіз болған соң есін жия алмай тұр. Емдетпей, өз ықтиярына қойып күтсе, онысы басылады. Қаратам деп әуре болма, жай күте беріңдер, — деді.
Мұны естіген жұрт: «Ойбай дәрігер былшылдайды, түкті де білмейді. Чахотка дейтін бұнікі жөтел емес қой. Қашан да болса, иелі дертке сенбейтін дәрігердің әдеті емес пе? Өзгесін қойшы, сөйлеп шатасатыны қорыққандық деген кәпірдің кәпірлігі ғой.
Қамар сұлу
·
Сұлтанмахмұт Торайғыров
