Пайғамбарлардан жеткен хабарда мынадай риуаят бар: «Юнус пайғамбарға бір топ қонақ келеді. Юнус оларға дастархан жаю үшін ас үйге кіргенде, жұбайы оған ауыр сөздер айтады. Ал пайғамбар оның сөзіне төзімділік танытып, үнсіз жүре береді. Бұған қонақтары таң қалғанда, ол: «Таң қалмаңдар. Бұл жерде таң қалатын ештеңе жоқ. Өйткені мен Аллаға: «Уа, Раббым! Маған тарттырар азабыңды дүниеде тарттыр» – деп дұға жасағанмын. Алла тағала: «Сенің жазаң – пәленшенің қызымен үйлену. Оны әйелдікке ал», – деп бұйырды. Міне, сондықтан, өздерің көргендей, оның осындай мінезіне сабырлылық танытудамын» – деп түсіндіреді. Әйел кісінің орынсыз сөздеріне төзімділік таныту да – нәпсіні тәрбиелеу, онда ашуды басу мен мінезді көркемдей түсу жасырынып жатады.
