адам миының ең белсенді жұмыс істейтін кезеңі – сәби бір жасқа толғанға дейін. Сәби әлемді танысам, көрсем, білсем, дәмін татсам деп бір тынбайды. Көзімен, құлағымен, тілімен, мұрнымен, қолымен шексіз ақпараттарды миға жеткізеді.
Тереңіне бойлап қарасаң, қара белгілер деген – жай ғана әріптер. Оны ми қосып сөз қылады. Сөзді біріктіріп, сөйлем құрайды. Оның мағынасын тауып, түсінеді. Бұл процесс кезінде нейрондар бір-бірімен байланысып, қажетті ақпаратты табады. Осының бәрі қас-қағым сәтте жүзеге асады.
Стресстен арылудың екі жолы бар: терең тыныс алу және денені шынықтыру. Тыныс алғанда демді мұрынмен ішке алып, ауызбен шығару керек. Денені шынықтырғанда күн сайын жаттығу жасап, гантель көтеріп, турникке тартылып, отжимание жасау керек.
Бір аптаның бес күнінде есеп шығар. 6-күні, сенбіде санау мен сөз жаттауды орында. 7-күні Струп-тестіні жаса. Дәл осылай 10 апта, яғни 70 күн жасау керек. Күн сайынғы нәтижені қағазға жазып отыру керек: есепті неше минутта бітірдің, сандарды қанша минутта санадың, 30 сөздің қаншасын дұрыс таптың, Струп-тестіні қанша уақытта орындадың
Қызық мұнымен бітпейді. Бір нейронның дендриді басқа бір нейронның дендридімен байланысады. Қол ұстасып билеген жұп секілді. Екі нейронның байланысуын синапс деп атайды. Осылай ақпараттар бір-біріне өтеді. Ақпаратты өңдеу, беру қабылдау үшін нейрондар басқа нейрондарды қозғалып тұрып табады.
Әлемдегі ең мықты компьютердің өзі адамдікін былай қойғанда, бал арасының миына да жете алмайды. Қарап тұрсаң, компьютер өздігінен оқи алмайды, дами алмайды. Өзін-өзі қиындата алмайды. Ал ми осының бәрін жасайды.
