Яғни еркіндік – саған рақаттанып өмір сүру үшін емес, оның жауапкершілігін азаптанып арқалап жүру үшін берілген дүние. Өйткені әрбір қабылдаған шешімнің жауапкершілігі адамның өз мойнында. Жауапкершілік болмаса, еркіндік сондай сүйкімді дүние болар еді. Онда біз оған «еркіндік – ойыңа не келсе соны істеу» деп анықтама берген болар едік. Бірақ олай емес. Еркіндік пен жауапкершілік – әркез қатар тұратын, бір-бірінен ажырамайтын, жұп боп жаратылған ұғым.