Ол күліп еді, қыз оған жалт қарап:

— Неге күлесіз? — сұрады.

— Білмеймін, — деп тағы да күлді. Бұл жолы күлкісін тез тыя қойды. — Ал күлсем не қылады екен? — деп сұрады.

— Мен күлкілі ештеңе айтпасам да, күле бересіз ғой. Менің барлық сұрағыма да еш ойланбастан жауап бересіз.

— Сіз, шынымен де, біртүрлі екенсіз? — деді Монтэг сәл кідіріп. — Әңгімелесушіңізге деген ешқандай құрметіңіз жоқ екен!