алды деп, мал секілді шалды көрдің,

Құрығандай өзім теңді замандасым.

Жүретін сойып сатып, жасы-қарты,

Мал емес төрт аяқты әйел халқы.

Уау, молда, түзулікті айт құдай үшін:

Жоқ па еді күпу4 деген неке шарты?

Молда:

– Шырағым, ренжітпе атаңызды,

Бұзбаңыз құдай дескен батаңызды.

Сүннетін пайғамбардың қабыл қылмау –

Зор күнә; мен айтайын қатаңызды.

Қамар:

– Күнә емес кімге бармау, сауап шығар,

Қарның үшін қайтарған жауап шығар.

Қызықты қызыл гүлдей жас жүрегім

Сорлы боп қандай жалын қаулап шығар.

Пайғамбар тең емеске бар деген жоқ,

Зар жылатып бес қара ал деген жоқ.

Шал болсын, пасық болсын, сасық болсын,

Сата бер, әйел заты – мал деген жоқ.

Басыңды әлектікке сал деген жоқ,

Өмір бойы бәлеге қал деген жоқ.

Шірісін шірік байдың табанында,

Әйелде жарты тиын жан деген жоқ.

Молда:

– Ата-анаң сені өсірді қандайыңнан,

Асырады ас кетірмей таңдайы