Билимни сизга дунё тан олган даҳолару, олийгоҳлар бермайди. Билим учун тоғ ошиб, катта шаҳарга бориш ҳам шарт эмас. Билимни сизга атрофингиздаги оддий одамлар беради. Илм олиш мақол айтгандек игна билан қудуқ қазишчалик қийин эмас. Билим энг арзон ва энг сероб мол. Уни ҳар ким таклиф эта олади — фақат, уни ола билиш керак. Дунёдек кекса ва доно муаллимнинг гапларига қулоқ солишни ўргансак — ҳали ҳеч бир даҳо ва ҳеч бир мактаб ўргатмаган, ҳеч бир намунали талаба ўрганмаган билимларни эгаллаймиз. Ахир, Яратган бизга тилни биттаю қулоқни иккита қилиб бергани бежиз эмасдир? Нима дедингиз — қулоғим сизда?..