Мүмін – әу бастан бұл дүниеде төрт құбыланың түгел болмайтынын қабылдаған адам. Әйел де, күйеу де, отбасын құру да, шаңырақ көтере алмау да, оң жақта отырып қалу да, балалы болу да, бедеулік те – ойлы адамға бәрі сынақ. Мұның бәрінің астарында, не нәрсені де даналықпен жарататын Хаким Алланың сыры бар. Тағы да Шәкәрім сөзі ойға тұздық:
«Шымылдық артын кім білер, шын иесі болмаса,
Соның жолы өңделер, кімді сынап оңдаса» – дейді ойшыл ақын.