Әсіресе, һижреттің 58 жылы 74 жасында көз жұмғанын көрсететін риуаятта қайтыс болған күнінің рамазан айының он жетінші түні сәрсенбі күні екені, өсиеті бойынша үтір намазынан кейін Жаннатул Бақиға түнде жерленгені, намазын әзірет Әбу Һұрайраның оқытқаны, мазарына әпкесі әзірет Әсманың екі баласы Абдулла мен Уруа, бауыры Мұхаммедтің екі баласы Қасым мен Абдулла және тағы бір бауыры Абдуррахманның баласы Абдулла сияқты туыстарының қойғаны сияқты мәліметтердің болуы792 басқаларға қарағанда бұл деректің қуатты екенін көрсетеді. Ендеше, осы уақытты негізге алып есептейтін болсақ, Пайғамбарымыз көз жұмғаннан кейін тағы қырық сегіз жыл өмір сүргенін (48+10=58+13=71+3=74) көресіз. Бұл есеп бойынша ол пайғамбарлықтан үш жыл бұрын дүниеге келген. Бұл жағдайда үйленген күні оның (74-48=26-9=17+7 ай) он жеті жастан жеті ай асқанын, яғни он сегіз жаста екені аңғарылады