«Мифті рационалды жолмен танып білу – қате. Аңыздарда жасырылған ақиқат сырларды сурет өнері, поэзия, мүсін өнері, музыка сияқты жүрекпен ғана сезіне аласың.
«Қазақ кәдесі», «Қазақ наурызнамасы», «Қазақы түйе жару», «Қазақтың алғыстары мен қарғыстары», «Бастаудан бақиға дейін», «Қазақ мінезі», «Қазақ аспан есебі» деген кітаптарды жарыққа шығардым.
– Ырыс – Құдайдың адамға беретін несібесі, ырзық-нәпақасы. Ұлық Алла адамзатқа төрт ырыс нәсіп етті. Біріншісі – ақ ырыс. Ол төрт түлік малдың желінінен шыққан сүт, айран, май, құрт. Екіншісі – көк ырыс. Жерден өсіп-өнген көкөністі айтады. Үшінші ырыс – қызыл ырыс. Ол – төрт түлік мал мен аңның адал еті. Төртіншісі – дәнді ырыс. Оған дәнді-дақылдарды жатқызады. Ынтымақтарың кетпесе, ырыстарың түгел болады, – деп сөзін аяқтаған екен жарықтық.
Пайғамбар миғраж сапарынан мұсылман үмбетіне тоғыз түрлі қасиетті зат ала келіпті. Олар: жастық, дастарқан, шапан, сәлде, орамал, жайнамаз, сәлемдесу үлгісі, Құран, намаз екен.
