Алдымен жолдас тап, онан соң жолға шық»
Арзымайтын пайда үшін қолында бар қаржыңды құртпағын.
Сынап көрмеген адамнан қауіпсіз болма, сыннан өтпеген
Кісіге несие бермесін. Малы аздарға, жаңадан бай болған кісіге, сейттерге, жас балаға, қазының уәкілдеріне, қаланың муфтилеріне, хатшыларға несие берсең, өндіруің қиынға соғып, өз ісіңе өзің құса болып өкінішті жағдайға тап боласын.
Туралық – Хақтың мейірі деген.
Адам менен хайуанның парқы балауыз бен тас сияқты. Құдайдың шеберлігін адамның кемел өрнегінен байқауға болады. Әрбір адам өз сықпытына қарап, пікір етсін. Құдайдың шеберлігіне таңдануға болады, күдік келтіруге болмайды.
Керуенге не тиесің, соны сатасың, не ексең, соны орасың, не пісірсең соны жейсің, қандай сөз сөйлесең, сөзіңе лайықты жауапты да естисің.
«Не соярыңды білсең пышағыңды қайрап жүр, не сұрарын білсең, жауабыңды сайлап жүр»
Иір ағаш тезге салмай түзелмейді, жонбаса түзу болмайды.
Әсілі, сөйлер сөзіңнен даналықтың иісі сезіліп тұрмаса, ондай сөздің айтылмағаны жақсы, нысанаға дөп тимес оқтың атылмағаны жақсы
